Footer

Balay ti negosiante, natakawan

SAN ESTEBAN, llocos Sur – Kuarta ken alahas ti kinurimes dagiti mannanakaw iti balay ti maysa a megosiante sadiay Barangay Bateria ditoy nga ili idi parbangon ti Nobiembre 16.
Iti pulong ni Michael Orpilla y Laguesma, 36, naasawaan, iti polis, mapattapatta a sinerrek ti/dagiti mannanakaw iti nagbaetan ti 1:00 ken 2:00 ti parbangon ti nadakamat a petsa ti paggigiananda a balay a kukua ni Pablito Orpilla y Villanueva, 67, negosiante, ket kuarta ken alahas ti kinurimesda.
Natakaw iti kuarto ti asawa ni Michael ti cash money a P10,000.00 a naikabil iti dresser’s room, P15,000.00 a naikabil iti uneg ti toolbox, 3 bracelets nga agpateg iti P70,000.00, maysa a singsing nga agbalor iti P15,000.00 ken maysa a kuentas nga agpateg iti P15,000.00.
Natakaw pay iti kuarto ni Janna Micha Orpilla y Quinot, 14, estudiante, ken apo ti biktima a masarakan iti maikadua a kadsaaran, ti kuentas nga agbalor iti P22,000.00, relo nga agbalor iti P5,000.00 ken singsing nga agpateg iti P8,000.00 wenno iti kadagupan a P160,000.00.
Segun iti panagimbestiga dagiti polis, nakastrek dagiti di nabigbig a mannanakaw iti uneg ti balay babaen ti tawa ti sango ken posible a naglibasda iti side door a kumamang iti garahe.
Agtultuloy ti panagimbestiga dagiti polis mainaig iti nasao a panagtakaw. (Tawid News)

Comments are closed.