Footer

Rifle grenade, insuko ti mannalon

STO. DOMINGO, Ilocos Sur – Maysa a rifle grenade ti insuko ti maysa a mannalon iti police station ditoy itay nabiit.

Kas maibatay iti journal, mismo a ni Ricardo Jaramillo y Tinaya, 48, naasawaan, ken residente iti Barangay Sto. Tomas ti nangidatag iti rifle grenade iti police station idi agarup 9:10 ti bigat ti Nobiembre 17.

Kinuna ni Jaramillo a nasarakanna ti rifle grenade bayat ti panagtrbahona iti talon iti nadakamat a lugar.
Naikustodia nga immuna ti rifle grenade iti police station sa naipaima iti Ilocos Sur PPO Explosive and Ordnance Team (EOT). (Tawid News)