Footer

Lalaki, nagbekkel gapu iti depression

BURGOS, Ilocos Sur – Depression ti mapapati a rason a kinettel ni Orlino Malag y Doquilo, naasawaan, natibo ti Barangay Taliao ditoy nga ili, ti biagna idi Nobiembre 18.
Nasukalan laengen ti babai a kabsat ti biktima a nakabitin daytoy iti bodega iti lauden a paset ti balayna sadiay Barangay Lucaban, Burgos idi agarup 2:40 ti malem ti nadakamat nga aldaw.
Intaray dagiti nagresponde a polis ni Malag iti Reyes Clinic and Hospital, Sta. Maria ngem naideklara nga awanen ti biagna.
Segun iti report, agsagsagaba ti biktima iti depression gapu iti problemana iti pamiliana ta agtrabtrabaho ti asawa ken anakna iti abroad. (Tawid News)

Comments are closed.