Footer

Estudiante, natagbat

SANTA, Ilocos Sur – Natagbat ti maysa nga estudiante bayat ti panaggawidda sadiay Barangay Magsaysay District idi agarup 11:30 ti rabii ti Nobiembre 2.

Nainaganan ti biktima a ni Danniel Carlo Bueno y Balallo, 17, Grade 10 iti Sulvec Integrated School, Narvacan, ken residente iti nadakamat a barangay.

Nabigbig dagiti suspek a da Reden Bringas y Combis, 30, naasawaan, mannalon; ken Joven Bringas y Tuvera, 25, naasawaan, farmer, agpada a residente iti Barangay Labut Norte, Santa.

Iti panagimbestiga dagiti polis, magmagna nga aggawid da Bueno ken di nainaganan a kaduana idi sinardengan ida dagiti suspek a naglugan iti motorsiklo ket maysa kadakuada ti nangtagbat iti biktima a nakasugatan ti kannigid a pangana.

Intaray dagiti nagresponde a polis ni Bueno iti Ilocos Sur District Hospital, Narvacan idinto a pinakaammuanda dagiti kabangibangda a police station a nagresulta iti pannakatiliw dagiti suspek.

Di pay ammo ti motibo ti pannagbat ken di met narekobre ti armas a naaramat.#

No comments yet.

Leave a Reply