CANDON CITY – Mapapati a naipalladaw ti paltog iti likudan ti balay ti maysa a kagawad bayat ti riribuk iti maysa a panganan idi rabii ti Nobiembre 30.
Daytoy ti suspetsa dagiti polis kalpasan a nakasarakda iti maysa a homemade caliber .38 revolver iti likudan ti balay ni Barangay Kagawad Severino Galope Galicia sadiay Barangay Langlangca 2nd.
Sakbayna, nakaawat ti police station iti report nga adda napasamak a riribuk iti Body and Soul Bulaluhan ket nagrespondeda tapno agpalutpot.
Nasarakan dagiti polis ti paltog iti asideg ti akinlikud a diding ti balay ni Galicia nga asideg iti nakapasamakan ti riribuk.
Naipan ti paltog iti Candon police station sa naipatulod iti crime laboratory para iti ballistic examination.#
Comments are closed.