Footer

2 mannalon, natagbat gapu iti dati a susik

CERVANTES, Ilocos Sur – Mapapati a dati a susik ti motibo iti panangtagbat ti maysa a mannalon kadagiti dua a kalugaranna sadiay Barangay Remedios, ditoy nga ili.

Segun iti report, madama nga agin-inom da Nestor Sanchez y Galves, 34, naasawaan, ken Danilo Sanchez y Galvez, 38, naasawaan, agpada a residente iti nadakamat a barangay idi immasideg lattan ni Tony Abella y Laos, 39, naasawaan, sa tinagbat dagiti biktima.

Naitaray dagiti biktima nga immuna iti Bessang Pass Memorial Hospital, Cervantes sada naiyalis iti Luis Hora Regional Hospital, Baoko, Mountain Province.

Naglibas ti suspek iti saan nga ammo a direksion kalpasan ti pannagbat.

Mapapati a nakainom met ti suspek idi tinagbatna dagiti kalugaranna.#