Footer

4 bongbong, nasukalan iti igid ti baybay

SINAIT, Ilocos Sur – Uppat a botelia a nagkarga iti potassium nitrate ti nasukalan dagiti polis bayat ti panagpatroliada iti igid ti baybay iti Barangay Teppeng ditoy nga ili idi agsapa ti Disiembre 7.

Mapapati nga imbati dagiti di nabigbig a mangngalap dagiti dinamita wenno bongbong iti igid ti baybay idi masaepanda ti kaadda dagiti agpatpatrolia a polis.

Nainget ti kampania ti gobierno probinsial maikontra iti illegal a panagkalap kas iti bongbong wenno dinamita.

Suspetsa dagiti polis a maaramat dagitoy a pagdinamita iti ikan iti dayta nga agsapa.

Impan dagiti polis dagiti bongbong iti police station para iti dokumentasion ken disposision.#

Comments are closed.