Footer

Wanted person, simmuko iti polis

CERVANTES, Ilocos Sur – Boluntario a simmuko iti polis ni Barangay Captain Juanito Iñigo y Gacutan, 54, naasawaan, ken residente iti San Juan ditoy nga ili idi malem ti Disiembre 11 tapno malapdan ti pannakaarestona.

Sakbayna, imbilin ni Judge Anacleto M. Bañes ti Regional Trial Court Branch 25, Tagudin ti pannakaaresto ni Iñigo gapu iti contempt of court.

Nairekomenda nga agpiansa ti akusado iti P5,000.00 para iti temporario a wayawayana.

Impresenta dagiti polis-Cervantes ni Iñigo ken ni Judge Bañes kalpasan a naikustodia iti estasion para ti dokumentasion.

Kabayatanna, inaresto dagiti polis-Vigan ni Marivic Perez Habab, 57, naasawaan, ken residente iti Barangay III, Vigan City babaen ti bileg nga inyisio ni Judge Marita Bernales Balloguing ti Regional Trial Court, First Judicial Region, Branch 20, Vigan City.

Akusado ni Perez iti theft a nai-docket iti Criminal Case No. 8245-V 2017 ket awan ti nairekomenda a piansana.

Naikustodia ni Perez iti police station ti Vigan para iti dokumentasion ken umisu a disposision.#

Comments are closed.