Footer

2 mapukpukaw mangngalap, naalaw iti kabaybayan

STA. CRUZ, Ilocos Sur – Nasarakan ken naisalakanen  dagiti nabatbati a mapukpukaw a mangngalap idi Disiembre 9, daytoy ti report manipud iti kapolisan ditoy.

Nainagan dagiti naisalakan a mangngalap a da Nelson Arbollente, 50, ken Dorque Ruiz, 57, agpada a residente iti Barangay Pinipin, ditoy nga ili.

Sakbayna, naireport a mapukpukaw da Arbollente ken Ruiz ken dagiti kakaduada a mangngalap a nainaganan Reggie Quintinita y Valencia, 31; Rey Quintinita y Valencia, 35; Neil John Estocia y Salvador, 30; ken Teofilo Callejo y Perilla, residenteda amin iti  Brgy. Pinipin, Sta. Cruz, Ilocos Sur .

Timmapog dagiti nasao a mangngalap iti baybay a naglugan iti tallo a bangka idi agarup 9:00 ti rabii ti Disiembre 7 ngem nadadael dagiti luganda gapu iti napigsa a dalluyon a puon ti  nakaiyanudanda.