Footer

2 paltog, balbala, nakumpiska iti search operation

STA. MARIA, Ilocos Sur – Dua a paltog, sumagmamano a magazine ken assorted a balbala ti nasukainan dagiti operatiba iti balay ti maysa a mannalon sadiay Barangay Butir ditoy nga ili idi Disiembre 20.

Nagresulta ti search operation nga inwayat ti PIB ken Sta. Maria police station iti pannakakumpiska iti balay ni Godofredo Calibuso y Alejo, 52, ti maysa a colt M16 rifle baby armalite; maysa a cal. 9mm Armscor pistol; 6 nga empty short magazine para cal 5.56; maysa nga awan kargana a long magazine para cal 5.56; short magazine para cal 5.56 a  nagkarga iti 26 a bala; maysa a magazine para 9mm pistol a nagkarga iti 4 a bala; magazine para cal 9mm pistol a nagkarga iti 6 a bala; leather holster para pistol ken belt bag.

Sinaksian dagiti barangay officials ti panagsukisok nga inwayat dagiti polis iti balay ti suspek.

Naipan dagiti nakumpiska a paltog, magazine ken balbala iti police station para iti dokumentasion sakbay a maipresentar iti korte.#

Comments are closed.