Footer

Motorista, naikras, natay

CERVANTES, Ilocos Sur – Saanen a naidanon a sibibiag ti maysa a motorista gapu iti pannakaikras ti luganna sadiay Sitio Cayus, Barangay Remedios, ditoy nga ili idi sardam ti Disiembre 16.

Dead on arrival iti Bessang Pass Memorial Hospital gapu kadagiti sinagrapna a sugat ni Rolando Pilingan y Docyogen, 39, naasawaan, mannalon, ken residente iti Barangay Suagayan, Quirino, Ilocos Sur.

Segun kadagiti saksi, agpaamianan a direksion ti Honda XRM 125 motorcycle a minaneho ni Pilingan ket idi nakadanon iti nakapasamakan ti aksidente, napukaw ti biktima ti kontrolna iti manibela a puon ti pannakaikrasna iti kalsada ken pannakatinnagna iti drainage canal.

Kuna ti polis a nakainom ti biktima idi naaksidente. (Tawid News)

 

 

Comments are closed.