Footer

Mannalon, naaresto gapu iti panagpaputokna

BANTAY, Ilocos Sur – Panangipagarup siguro daytoy a mannalon ket adda pay la iti tiempo dagiti saka-saka a mabalinna lattan ti agpaputok no kursonadana. Resulta, makasuan iti alarm and scandal a posible a pakaibaludanna.

Nagresponde dagiti polis ditoy nga ili kalpasan a nakaawatda iti pulong idi agarup 6:45 ti sardam ti Nobiemre 26 ket inarestoda ni Roger Sadiasa y Valencia gapu iti panagpaputokna iti adu a beses a nakaalarmaan dagiti agindeg iti Barangay Taleb.

Positibo nga intudo ti maysa nga estudiante ken agnaed iti nasao a barangay ni Sadiasa, natibo ti Nabas, Aklan ngem agnaeden iti nadakamat a barangay, a nagpaputok iti adu a beses bayat ti panaggiinomda nga aggagayyem idi dayta a sardam.

Nakarekobre dagiti polis iti nagpaputokan ni Sadiasa iti 13 a fired cartridges manipud iti cal. 9mm.#

Comments are closed.