Footer

Mapukpukaw a baro, nasarakan tumtumpaw iti karayan

BANTAY, Ilocos Sur – Bangkayen a nasarakan ti baro a naireport a mapukpukaw manipud pay idi Nobiembre 24.

Nasarakan a tumtumpaw iti Abra river a sakup ti Barangay Banaoang ditoy nga ili ni Walter Pescador y Pespes, 22, awanan asawa ken residentge iti Barangay Guimod, Bantay idi aldaw ti Nobiembre 26, dua nga aldaw kalpasan a saan a naggawid iti balayda.

Inreport ti maysa nga Averie Bajog y Orpilla, 13, residente iti Banaoang, Bantay a nakitana ti biktima a nabigbig idi agangay a ni Pescador a tumtumpaw iti karayan bayat nga ipakpakatna ti “barekbek” idi agarup 10:45 ti aldaw ti nadakamat a petsa.

Intaray dagiti miembro ti MDRRMC ni Walter iti ospital ngem naideklara a dead on arrival.

Idi laeng agsapa ti Nobiembre 26 nga inreport ni Irha Lopez y Pescador, 31, a di pay naggawid ni Walter sipud pay idi rabii ti Nobiembre 24.

Mapapati a naudi a nakita ni Walter idi rabii ti nadakamat a petsa sadiay Vigan City.

Agtultuloy ti panagimbestiga dagiti polis no sino dagiti nakaibunggoyan ni Walter sakbay a nasarakan a tumtumpaw ti bangkayna iti karayan Abra.#

Comments are closed.