Footer

Naggubor a menor de edad, imbuking ikutna a bato

STA. CRUZ, Ilocos Sur – Ti natinnag a bato manipud iti ikutna ti nangibulgar iti maysa a menor de edad nga isu ti nangbato iti Candon Bus Lines idi rabii ti Nobiembre 27.

Inaresto dagiti polis ni Leo Ballocanag y Ballocanag, 16, baro; Christopher Carbonel Tejano, 32, baro; ken George Villanueva Soliven, 30, Barangay Gabor Sur ditoy nga ili kalpasan nga inannugot ti menor de edad nga isu ti nangbato iti Candon Bus Lines bayat ti panagdaliasat daytoy iti Barangay Gabor Norte idi agarup 9:27 dayta a rabii.

Kapilitan a nagpudno ni Ballocanag agsipud ta natinnag ti maysa a bato nga ikutna bayat ti panagsaludsod dagiti nagresponde a polis kadagiti agkakadua iti uneg ti Sunset Beach Resort a paggiinomanda.

Naipan dagiti suspek iti police station para iti dokumentasion ken umisu a disposision.#

Comments are closed.