Footer

NAGPARIKNA…?

NAGPARIKNA…?

Salvador A. Espejo
April 14, 1943 – January 2, 2018

ENERO 3, bigat idi napanak nagbayad
iti banko iti bill-koriente a nakunsumo
nga iggem/tugotko ti paseroxko – photocopy
ti dandaniwko, isagsaganak sumaruno a libro
immuna a napanak iti photocopy Shop, Vigan
a nakaranaak iti dati nga empleado iti PNB
a nangyam-ammo kaniak a Mannurat iti Bannawag
kadagiti kaduana a nataenganen a babbai
ket, simmalpika ti maysa nga adda iti ragup
adda innagananna a mannurat no am-ammok
ngem, insungbatko nga awan kasta a taga-Vigan
amangan kinunak a ni Apo Salvador A. Espejo
wen, wen, isu nga agpayso ti kayatko a sawen…
kalpasanna napanakon nagbayad iti bill ken nagawiden

* * *

KABIGATANNA (Enero 4), nagdengngegak iti radio
kinuna ni announcer (Jessie) a naynay ‘kinanayon’
a mapmapanak iti balayda ngem saan a maranaan
ket, pimmusay met gayamen insuldongna a naallingagak

APO BADONG* nakappia a panaginana sidong iti Namarsua
a kadatayo amin agdaliasat iti lubong – iti rabaw ti daga

Daniw ni Hermenegildo A. Viloria
GF Bucaneg Awardee 2006

*GUMIL FILIPINAS PEDRO BUCANEG AWARDEE 2003. Tallo a Mannurat a taga-Vigan ti pimmusayen a pakaibilanganna. Simmangbaykami iti pagtaenganda idi ENERO 8; idinto a naitabon idi ENERO 10, 2018. – HAV