Footer

Balay ti baket, dimmapu

SANTA LUCIA, Ilocos Sur – Maysa a baket ti nauram iti balayna idi malem ti Enero 14, 2018, sadiay Barangay Paoc Sur, iti daytoy nga ili.

Nauram idi aldaw ti Enero 14 daytoy a tawen ti balay ni Clarita Hadap y Rabina, 78 ti tawenna, awanan asawa ken residente iti Barangay Paoc, daytoy nga ili.

Inkeddeng dagiti nagresponde a police a naiddepen ti apuy idi oras ti 1:45 iti malem.

Iti inisial nga inbestigasion nga insayangkat dagiti nagresponde a police pakairamanan ti Fire Marshall ti Santa Lucia PS, kayo ti us-usaren ni Hadap iti panaglutona ket iti dayta nga aldaw pinanawanna ti lutlutuenna ta adda napananna. Idi agsubli nakitana laengen a maur-uramen ti balayna.

Kuna ni Hadap a mabalin nga adda natinnag a sipapasged a kayo iti muntuon dagiti kayo a pagtungo iti abay ti paglutuanna ket isun ti in-inut a simged a nangparnuay iti uram a nangpadapo iti sibubukel a balayna.

Awan ti nadangran iti nasao nga uram ket di pay ammo no mano ti balor ti nauram.