Footer

Water pump ti National Irrigation Administration, mapukpukaw

SAN ILDEFONSO, Ilocos Sur – Inreport idi Enero 12 ni Barangay Captain Vicente Palomares y Palomares, nataengan, naasawaan, ken residente iti Bungro, San Ildefonso, Ilocos Sur ti pannakatakaw ti water pump nga addaan marka a “COBICO”, kukua ti National Irrigation Administration, ken agbalor iti P50,000.00.

Segun kenni Brgy. Captain Palomares, inusarna ti water pump a nagpalayas iti talonna nga masarakan iti boundary ti Poblacion East ken Bungro iti San Ildefonso idi bigat ti Enero 10 aginggana pimmanaw iti malem ti Enero 11. Iti kabigatan ti Enero 12, nagsubli ni Palomares kaduana ti kaanakanna iti talonda tapno iyawid ti water pump ngem saandan nga nasarakan daytoy. Mapapati nga tinakaw ti pump dagiti saan pay a nainaganan suspek idi rabii ti Enero 11.

Pinadas a biroken ni Barangay Captain Palomares ken dagiti kaduana nga tanod ti mapukpukaw a water pump ngem napaayda.

Under investigation pay laeng daytoy nga kaso.

Comments are closed.