Footer

OFW, nabiktima salisi gang

Santa Lucia, Ilocos Sur – Nabiktima ti salisi gang ni Julie Haban Hermosura, 37, awanan asawa, OFW manipud Kuwait ken residente iti Brgy. Katayagan, Santa Lucia, Ilocos Sur idi 8:30 iti rabii, Enero 23.

Segun iti salaysay ni Hermosura iti Candon CPS, napasamak ti panagsipdut iti uneg ti Chowking fastfood a masarakan sadiay Brgy. San Isidro, Candon City, Ilocos Sur. Pinanawan apagbiit ti biktima ti bagna tapno siguraduen a kadua met laeng ti ka-live-in partnerna ti anakda a rimuar tapno gumatang iti ice cream sadiay Jollibee. Idi sublianna ti lamisaan a nagtugawanda, naduktalanna a mapukpukaw metten ti bagna a naglaon iti agkakangina a cellphones, relo, sunglasses, ken rinibu a kwarta.

Saan pay a natiliw dagiti suspek a mapapati a limmugan iti Revo. Maisaysayangkat ti dragnet operation tapno ma-identify ken matiliw dagiti suspeks. (TAWID NEWS TEAM)

Comments are closed.