Footer

2 most wanted persons, naaresto

VIGAN CITY, Ilocos Sur – Naaresto ni Catherine Joaquin Adame, aka “Kat-Kat”, 39, naasawaan, agnaed Brgy. 8, Vigan City, Ilocos Sur, maika-6 a top most wanted person iti Vigan CPS, Directorate for Intelligence (DI) watch list, PDEA Wanted List babaen ti arrest warrant nga inyetnag ni Judge Corpuz B. Alzate, gapu iti panagikot iti maiparit a droga/paraphernalia.

Nagtipon a kameng ti PNP Vigan CPS, ISPMFC ken PDEA dagiti arresting officers.

P200,000.00 ken P120,000.00 ti piansana iti 2 kaso para iti temporario a wayawayana. Naikustodia iti Vigan CPS para iti umisu a disposision kalpasan ti medico legal a pannakaeksaminna.

Iti sabali a bangir, naaresto ni Jose Dato y Doquilo, (listed top 3 Prov’l MWP iti Ilocos Sur PPO), 38, naasawaan, residente Brgy. Manaboc, Burgos, Ilocos Sur babaen ti nagtipon a kameng ti PIB, PIDMB, PDEU, Burgos PS, Laoag City PS, CIDG Ilocos Sur ken CIDG Ilocos Norte gapu iti kaso a murder ken attempted murder.

Naikustodia iti Burgos PS para iti umisu a disposision kalpasan ti medico legal a pannakaeksaminna.

No comments yet.

Leave a Reply