Footer

PIA INFOBITS

Dagitoy sumaganad ket naadaw kadagiti agenda dagiti napalabas a regular session ti Sangguniang Panlalawigan ti Ilocos Sur iti napalabas a tallo a bulan.

Tapno sumayaat ti pannakamanehar dagiti ecotourism sites iti Ilocos Sur, nangisagana ni Bokal Christopher Baterina ti Ordinansa a mangted ti pagalagadan kadagiti local a gobierno nga addaan kastoy a lugar.

Tapno natalged dagiti mailako a karne iti ili a Santo Domingo, kasapulan nga iti pagpartian ti ili ti dumalanan dagiti amin a maparti a dingnguen sakbay a mapartida. Adda dusa dagiti aglabsing.   (Municipal Ordinance No. 017 s 2017)

Tapno adda mainayon a benepisio para ti local a gobierno (LGU) ti Tagudin, ken tapno maregulate ti upa dagiti daga a kukua ti LGU, kitkitaen ti LGU dagiti bakante ken saan a maus-usar a daga ti LGU ken dadduma pay real properties daytoy. Possible a maipaupa dagitoy kadagiti adda iti pribado a sector (Municipal Ordinance No. 12, s 2017).

Binalbaliwan  ti siudad ti Candon ti kayat a sawen ti ‘minors’ iti babaen ti section 4H.03, Article H, Chapter 1 ti Ordinance no 009-02 wenno ti Code of General Ordinances of Candon City, Ilocos Sur (2002). (City Ordinance No. 769)

Binukel ti Candon City ti City Dangerous Drugs Administrative Board tapno mapaksiat dagiti saan a nasayaat a mapaspasamak iti publiko gapu iti illegal a droga; adda met pundo a nailatang kadaytoy. (City Ordinance No. 765)

Kasapulan nga agpa-drug test dagiti agad-adal ti sekundaria, ken kolehio kadagiti accredited drug testing centers sakbay a maaawatda nga agenroll iti ania man kadagiti pagadalan iti siudad ti Candon. (City Ordinance No. 765)

Naikkan ti  natibker a pundasion ti educational assistance program ti ili ti San Emilio, ket adda met nailatang a pundo daytoy. (Mun. Ordinance No. 2017-07)

Inadaptar ken pinagbalin a local ti ili a Cervantes ti pannakaiyussuat ti National Building Code of the Philippines (PD 1096) iti mismo nga ili. (Mun. Ordinance 349 s 2017)

Inyalis ti Candon City ti gatad a P3M manipud iti financial/livelihood assistance para kadagiti kooperatiba babaen iti RA7171 pundo tapno magatang dagiti ganagan a maited kadagiti mannalon ti tabako iti siudad. (City Ordinance No. 767)

Inaprobaran, ken inadaptar ti ili ti Cabugao ti 2018 Annual Investment Plan of Cabugao, Ilocos Sur, kas naaprobaran ken insumite ti Local DevelopmentCouncil. (Mun. Resolution No 74, s 2017)

 

No comments yet.

Leave a Reply