Footer

Mannalon, napaltogan

BANTAY, Ilocos Sur – Maysa a mannalon ti napaltugan iti sango ti balayda sakbay ti oras ti alas 7 idi rabii ti Pebrero 11, ditoy a nga ili.

Naideklara a DOA ni Monico Regucera y Pablico, 69, naasawaan, mannalon ken residente iti Brgy. Balaleng Laudenia, Bantay, Ilocos Sur iti nakaitarayanna nga ospital gapu kadagiti adu a tamana ti bala.

Segun iti asawa ti biktima, isimsimpa ni Monico Regucera dagiti buntoon ti kayo iti asideg ti balayda a masarakan iti igid ti kalsada. Tinaliawna ti asawana idi makangngeg iti putok ti paltog ket nakitana daytoy a nakadata iti kalsada. Adda dua a dina nabigbig a lallaki a nakadiaket iti nangisit ken nakasakay iti motorsiklo a limmabas iti sango ti balayda.

Nakarekobre dagiti nagresponde a polis manipud iti Bantay Police Station iti 6 fired cartridge cases ti cal. 45 iti nakapasamakan ti pammaltog.

Agtultuloy ti pannakaimbestiga ti kaso.

Comments are closed.