Footer

Menor de edad, naarestar

VIGAN CITY, Ilocos Sur – Naarestar ti maysa a menor de edad idi agarup 2:30 idi malem iti Marso 1, idiay Zone 4 Bantay gapu iti basol a libelo.

Naarestar ni Teo Franco Queypo, 16, grade 11, estudiante ken residente iti Zone 4 Bantay, Ilocos Sur, babaen ti warrant of arrest a naggapu iti RTC Branch 21, Vigan City.

Naipila ti CICL No. 15-V 2018 a napetsaan iti Feb. 20, 2018, maikontra ken ni Teo Franco Queypo ket agbayad iti P10,000.00 a piansa para ti temporario a wayawayana.

Naipan iti Vigan City Police Station para iti dokumentasion ken umisu a disposion.