Footer

3 agtutubo natiliw gapu iti panagubor ti Florida bus

TAGUDIN, Ilocos Sur – Maysa manen a Florida bus ti naubor bayat iti pagdaliasatna sadiay Brgy. Libtong, Tagudin, Ilocos Sur idi 15:45 ti rabii, Marso 8, 2018. Impulong ni Gary Alinsunurin y Manabot, 34, awanan asawa, driver ti nasao nga bus, kadagiti polis patrol ti Tagudin MPS nga inubor ti luganna dagiti dina nabigbig a tao wenno tattao nakaigapuan ti pannakabuong ti sarming ti maysa kadagiti bintanana.

Napan dagiti patrol kaduada ni Alinsunurin iti lugar a napakasamakan ti panagubor ket nabirokanda ni Jomar Domingo y Austria, 18, awanan asawa, estudyante ken residente ti Brgy. Libtong, Tagudin, Ilocos Sur, nga nangipudno nga maysa isuna kadagiti nagubor iti Florida bus. Ninaganan ni Domingo dagiti kaduana iti panagubor da Jayboy Apacquid y Esteban, 18, awanan asawa, estudyante ken Samuel Panganduyon y Lucina, 17, awanan asawa, estudyante ken pareho a residente iti Brgy. Libtong, Tagudin, Ilocos Sur.

Naarestar dagiti tallo a suspek ken naipan sadiay Tagudin PS para iti umiso a disposision. (Tawid News Team)

Comments are closed.