Footer

Most wanted persons iti vigan city naarestar

VIGAN CITY – Tallo a most wanted persons (city level) ti inarestar dagiti nagtipon a pannakabagi ti kapolisan idi Marso 9 iti oras ti alas 8:00 ti rabii idiay Barangay Cabaroan Daya daytoy a siudad.

Inaresto dagiti kameng ti Vigan City Police, PIB, PIDMB ken CIDG Ilocos Sur da Marvin Battad Supnet, top 8 MWP, 19; Jerwin Pagal Atanaes, top 9 MWP, 25; Rey Jon Apelin Arruejo, top 10 MWP, 20; ken John Jesmar Manale Ilaga, 17, agpapada nga awanan asawan ken agpapada nga agnaed iti Barangay Cabaroan Daya, ditoy a siudad, gapu iti basul a panagrames.

Naarestarda babaen ti Warrant of Arrest nga inyisiu ni Hon. Marita B. Balloguing, Presiding Judge iti RTC Branch 20, Vigan City a napitsaan iti Marso 8 iti agdama a tawen. Awan ti nairekomenda a piansada.

Naikustodia dagiti akusado iti Vigan CPS para iti umisu a dokumentasion ken disposision kalpasan a naeksamenda iti Vigan City Health Office.

Naarestar pay iti isu met la petsa, Marso 9, ti Top 6 MWP (municipal level) iti agarup alas 7 ti rabii sadiay Brgy. Puro, Magsingal, Ilocos Sur ti agnagan Gerald Doria y Urmeneta aka Gerald Urneta Doria, 20, awanan asawa, trabahador ken residente iti nasao met la nga ili babaen ti arrest warrant nga inyisiu ni Hon. Judge Corpus B. Alzate ti RTC Branch 21, Vigan City, Ilocos Sur, gapu iti panaglabsing iti RA 9262 a naidaket iti CC No. 8333-V-2018 a napetsaan Peb. 26, 2018.

Naikkan iti piansa a P12,000.00 para iti temporario a wayawaya.

Naipan iti Magsingal Dist. Hospital sakbay a naikustodia iti Magsingal MPS para iti dokumentasion ken umisu a disposision. (Tawid News Team)