Footer

Nakainom, Nalmes

CANDON CITY, Ilocos Sur – Maysa a lalaki ti nakita nga agtatapaw iti kabaybayan ti Darapidap Beach, Candon City idi malem ti Marso 31, 2018.

Nabigbig ti lalaki a ni Ryan Jay Salibad Galanto, 23, awanan asawa, awanan trabaho, agnaed iti Brgy. Rubio, Galimuyod, Ilocos Sur.

Iti inisial nga inbestigasion, nakita ti maysa nga agpaspasiar iti beach ti tumtumpaw a tao iti kabaybayan ket inpakaammona iti polis. Naipakaammo met kadagiti personnel ti CDRRMC/ERT Candon City ken SOCO ket dagitoy iti nangiwayat iti first aid iti biktima kabayatan iti panangitarayda iti St. Martin de Porres Hospital.

Indeklara ni Dra. Annie De Guzman a dead on arrival ti biktima. Imbagana pay a nakainum ti biktima. (Tawid News Team)