Footer

2 nars a nag-night-swimming, natakawan iti backpack

NARVACAN, Ilocos Sur – Natakawan ti dua a nars a nag-night-swimming sadiay Sulvec, Narvacan, idi Abril 1, 2018. Nagreport da Niña Jamila Cariño y Tadeo, 27, awanan asawa, ken ni Kier Chester Cariño y Versoza, 26, awanan asawa, pareho a nars ken residente ti Poblacion, Tayum, Abra, iti Narvacan PS a mapukpukaw dagiti backpack a pinanawanda iti uneg ti Honda CRV a minaneho ni Jake Bugtong.

Segun iti pakauna nga inbestigasion, pinanawan dagiti tallo ti luganda a saan a natulbekan iti igid ti kalsada ti Brgy Sulvec idi alas 8:00 ti rabii idi Abril 1, 2018 tapno ag-swimming iti asideg ti Sulvec Port. Kalpasan iti sumagmamano nga oras, nagsubli dagitoy iti lugan ket nakitada nga awanen ti backpack ni Cariño a naglaon iti ATM card, PRC card ken kwarta a P2,000, ken ti backpack ni Versoza a naglaon iti Nokia 3310 nga aggatad iti P 2,500. Mapapati a tinakaw dagiti saan pay a mabigbig a suspek dagiti backpack. Agtultuloy pay laeng ti imbestigasion.