Footer

Agtagibalay, natakawan alahas

STA. LUCIA, Ilocos Sur – Natakawan ti maysa nga agtagibalay, naasawaan ken agnaed iti Brgy. Damacuag, daytoy nga ili idi Abril 5 daytoy a tawen, kas maibatay iti report a naawat ti Sta. Lucia MPS.

Nagreport iti polis ni Rowena Sanchez y Cabacungan, 36, naasawaan, agtagibalay a natakaw ti agduduma nga alahasna ket da Cristeta Agnol y Suyat, 38, awanan trabaho ken Raftey Sanchez y Calderon, 15, osy, dagiti suspetsa. Agpapadada amin – biktima ken suspetsa – nga agnaed iti nasao a barangay.

Iti inisial nga inbestigasion, idi sumrek iti balayna ti biktima a ni Rowena Sanchez, natiliwanna kano dagiti suspetsa iti uneg ti balayna a nangtakaw iti agduduma kitana nga alahasna.

Naala iti ikut ni Rafty Sanchez dagiti sumaganad: 2 paris nga aritos, 2 a singsing, 2 a kuentas ken 1 a bracelet. Innem (6) nga agduduma a relo (wrist watches), 1 paris nga aritos, 1 a singsing ken 1 a bracelet met ti nakita ti biktima nga ikabkabil ni Cristeta Agnol iti waterbed ti biktima.

Agdagup iti nasurok-kumorang a P10,000.00 ti balor ti alahas a natakaw.

Naammuan pay iti naun-uneg a panag-palutpot dagiti polis nga impudno ni Agnol nga isuda met laeng ti nangtakaw kadagiti sumaganad nga alahas nga agbalor iti P15,000.00: maysa paris a wedding ring 18k, maysa a bracelet, maysa a kuentas nga inlakoda iti Candon City.

Nailanad iti record iti barangay a namin-adun a daras a a natiliwan dagiti suspect iti panagtakaw.

Naipan ni Agnol ken ti minor a kaduana iti Sta. Lucia District Hospital para iti medico examinasion sadanto naipan iti Sta. Lucia MPS para dokumentasion ken umisu a disposision. (Tawid News Team)

Comments are closed.