Footer

Barito, natiliw nga agtaktakaw iti cactus

VIGAN CITY – Maysa a barito ti natiliw nga agtaktakaw iti 14 a paso ti cactus idi 10:30 iti rabii ti Hunyo 3 daytoy a tawen iti Vigan City Public Market a masarakan iti Brgy. VIII, Vigan City, Ilococs Sur.

Naarestar ni Dominik Soberano Reotita, 19, awanan asawa ken residente ti Brgy. Fuerte Caoayan, Ilocos Sur gapu iti panagtakawna kadagiti mula iti maysa a paglakuan iti uneg ti tiendaan.

Inarestar sa nagpatulong a dagus iti Vigan City PS ni Alvin Real Racca, 19, awanan asawa, security guard iti public market, ken residente iti Brgy. Bulala, ditoy a siudad. Dagus met a nagresponde dagiti Vigan City polis ketn impanda ni Reotita idiay Gabriela Silang Provincial Hospital para iti medico-legal examination.

Madama nga adda iti kustodia iti Vigan CPS ni Reotita. (Tawid News Team)

Comments are closed.