Footer

Sangsangaili iti siudad, natakawan maysa a panganan

VIGAN CITY – Dagus a nagresponde dagiti Vigan City Police idi naawatda ti report a natakawan ti maysa a sangsangaili iti maysa a panganan a masarakan iti Plaza Maestro idi Hulio 3, daytoy a tawen.
Nainaganan ti natakawan a ni Cezar Pitos Istrope, EDD, 46, taga-Boloc-Boloc, Sibolan, Dumaguete City. Kadua ni Istrope nga apan nangrabii iti maysa a panganan iti Plaza Maestro ket ditoy a nasikwat ti nangisit a backpack nga indissona iti abayna bayat ti pannanganda.
Linaon ti backpack ti dua a wallet ti biktima a dagitoy ti linaonda: GSIS ID, SSS ID, Pag-ibig ID, University ID at St. Paul, Siliman, credit card, 250 Singaporean Dollars, and cash a Ph20,000.00; maysa a black Neo laptop a ti linaonna ket dagiti files nga ipresentarna iti International Conference iti University of Northern Philippines.
Babaen ti superbision ni COP PSUPT Marlo Aquino Castillo, dagus a nabigbigda dagiti suspetsa babaen ti CCTV footage ti panganan ket nangisayangkatda iti follow-up operation para iti pannakatiliw dagiti suspetsa. (Tawid News Team)

Comments are closed.