205 annak benepisario ti 4Ps nagturpos sekundaria, napadayawan

STO. DOMINGO, Ilocos Sur – Dua gasut ket lima nga annak dagiti benepisario ti Pantawid Pamilyang Pilipino Program 4Ps) a pakaibilangan ti 145 manipud iti Vigan City ken ditoy nga ili ti pinadayawan ti Departament of Social Welfare and Development itay nabiit.

Agdagup amin iti 205 nga annak dagiti benepisario ti 4Ps ti pinadayawan itay nabiit ti Department of Social Welfare and Development gapu iti panagturposda iti sekundaria idi Marso.

Segun iti DSWD, kadagupan amin kadagiti nagturpos, 79 nga estudiante ti naggapu iti ili ti Sto. Domingo, 66 iti Vigan, idinto a sag-20 nga estudiante manipud iti La Union, Ilocos Norte ken Pangasinan.

Naammuan a tinulongan ti gobierno probinsial ti panagbasa dagiti 145 nga annak dagiti benepisario ti 4Ps iti Sto. Domingo ken Vigan City babaen ti pannakairaman dagitoy a kas iskolar ti gobierno probinsial kas resulta ti patangan da DSWD Director Marcelo Nicomedes Castillo ken ni Gov. Ryan Singson.

Nagbasa dagiti annak dagiti benepisario ti 4Ps iti ili ti Sto. Domingo iti Naglaoaan National High School, Lussoc National High School, Alternative Learning Center, Benito Soliven Academy, Magsingal Institute, Magsingal National High School, at Ilocos Sur National High School.

Dagiti met annak ti benepisario ti 4Ps iti Vigan ket nagbasada iti Ilocos Sur National High School, Vigan National High School East, Nagsangalan Community Alternative Learning Center, University of Northern Philippines, Divine Word College of Vigan.

Naikalawa ti programa ti 4Ps no sadino a dagiti annak dagiti benepisario ti 4Ps a nagturpos iti elementaria ket maituloyda ti panagbasada iti sekundaria.

Ti tema iti selebrasion iti panagturpos dagiti annak dagiti benepisario ti 4Ps: “Pagtatapos Ninyo, Tagumpay ng Pilipino.”#