21 tattao, nakasuan iti illegal a panagkalap

CABA, La Union – Duapulo ket maysa a tattao a pakairamanan ti kapitan ti barko ti tiniliw dagiti polis gapu iti illegal a panagkalapda iti kabaybayan a sakup daytoy nga ili itay Mayo 5.

Naipila ti Criminal Case No. 4645 a panaglabsing iti R.A. 8550 maikontra kada Uldarico Depas Achasos ken dagiti tripulantena, agnaedda amin iti Pantal District, Dagupan City, Pangasinan. Sabali pay a kaso ti naipila maikontra iti kapitan ti barko gapu iti panaglabsingna iti municipal ordinance No. 007 series of 2005.

Naidonar dagiti kinumpiska  ti nagtipon a puersa ti MFAMC ken polis ditoy nga indauluan ni Police Inspector Bernabe Oribello a 25 a baniera a naglalaok a lames iti Juvenile Rehabilitation Center iti Urayong, Bauang, La Union. (Danny Antalan)