22 motorista, natiliw gapu’t panaglabsingda iti no helmet, no travel policy

TAGUDIN, Ilocos Sur – Agdagup iti duapulo ket dua a motorista ti natiliw iti dua nga aldaw a panangipatungpal dagiti polis iti no plate no travel nga ordinansa daytoy nga ili.

Agdagup ti 9 a motorista ti natiliw a naglabsing iti daytoy nga ordinansa iti checkpoint nga impasdek dagiti polis iti sango ti Tagudin Yellow Market manipud iti alas dose agingga iti alas dos ti malem ti Marso 26.

Agdagup met iti 13 dagiti natiliw a motorista nga awan ti helmetna  iti impasdek dagiti polis a checkpoint iti national highway a sakup ti Barangay Dacutan, ditoy nga ili iti manipud alas 3:00 agingga iti 5:00 ti malem ti March 27.

Naikkan iti traffic violation ticket dagiti naglabsing tapno agmultada.#