225 pamilia, naikkan livelihood projects

CANDON CITY – Agdagup iti 225 a pamilia nga agnaed iti lima a barangay ditoy siudad ti naikkan iti pagbiagan manipud iti Department of Agrarian Reform itay nabiit.

Naammuan ken ni City Agrarian Reform Officer Elizabeth Macabiog a naikkan iti livelihood dagiti nadakamat a pamilia nga agnaed iti Agrarian Reform Community buklen ti Barangay Bugnay, Tablac, Cubcubbuot, Palacapac ken San Andres.

Agdagup iti P2 milion ti pondo a nailatang para iti Alilem ken daytoy a siudad.

Kinuna ni Macabiog a babaen daytoy Poverty and Climate Change Preparedness Program ti DAR, naikkan dagitoy a pamilia iti lakoda a prutas, manok, itlog karne ken natnateng a bayadanda met laeng kadagiti nadakamat a produkto.

Sumaruno a maikkan ti Barangay Salvador 1st ken 2nd, ken Langlangka 1st ken 2nd. (Danny Antalan)