23 Barangay Nutrition Scholars iti Ilocos Region, nabigbig

VIGAN CITY –  Duapulo ket tallo a barangay nutrition scholars iti Ilocos Region ti karaman iti 195 a BNSs iti intero a pagilian nga impaayan  ti National Nutrition Council bayat ti national conference a naangay ditoy siudad idi Abril 15-16, 2015.

Kas paset ti 40th Founding Anniversary ti National Nutrition Council, inyawatna ti BNS Service Award kadagitoy a BNSs kas pammigbig iti kinapudnoda ken commitment nga agserbi iti komunidadda kas nutrition program volunteers iti 30 a tawen wenno nasursurok pay.

Karaman dagiti nabigbig ti 11 a BNSs manipud iti Ilocos Sur, 10 manipud iti Ilocos Norte, ken 2 manipud iti La Union. Nagserbi amin dagitoy kas BNS iti saan a nakurkurang ngem 30 a tawen.

Dagiti sumaganad dagiti impaayan ti NNC iti pammigbig:

Ilocos Sur – Elizabeth A. Crisolo, Maria C. Cabigas, Iluminada B. Barrientos, Erlinda C. Cauton, Erlinda A. Castillo, Dolores C. Lazarte, Magdalena U. Ancheta, Emerita A. Agtual, Lorenza C. Dayao, Clarita R. Dasalla, ken Antonio P. Antolin

Ilocos Norte – Aida Galvezo, Marites F. Cariaga, Lucila V. Raguingan, Princesita B. Alonzo, Flordelina P. Bariao, Teodora F. Agustin, Merlinda Perlita A. Patoc, Margarita L. Antonio, ken Rogelia C. Viloria.

La Union – Evangeline A. Laconsay, ken Generosa G. Cariaso.

Agdagup amin iti 195 dagiti BNS manipud iti nadumaduma a rehion iti pagilian ti immawat iti sertipiko ti pammigbig.

Malaksid iti sertipiko ti pammigbig, immawat dagiti napadayawan iti P400.00 tunggal tawen a serbisioda wenno saan a nababbaba ngem P12,000.00 para iti 30 a tawen a serbisioda.#