24-hour Animal Clinic, ipakat a programa ti gobierno probinsial

SAN JUAN, Ilocos Sur – Kas kanayonan a serbisio nga ipaay ti gobierno probinsial, mairusat iti BaRangay Demo farm ditoy nga ili ti 24-hour Animal Clinic.

Kinuna ni Vice Gov. Deogracias Victor Savellano a babaen daytoy a programa, mabalin dagiti mannalon ti agpakonsultar mainaig kadagiti tarakenda nga animal, aniaman nga oras a kasapulanda ti serbisio dagiti doktor ti animal nga agtrabtrabaho iti demo farm.

Segun iti bise gobernador, mabalin dagiti mannalon a tawagan dagiti doktor iti demo farm ket agimpormarda wenno agpakonsultada mainaig iti aniaman a problemada iti tarakenda nga ayup kas koma no naganakda, napulipolanda, wenno adda sakitda tapno maikkanda iti solusion wenno mapakaptanda iti maiyataday nga agas.

Innayon ti bise gobernador a mabalin pay nga ikuyog dagiti mannalon ti tarakenda nga animal tapno mismo a dagiti doktor iti BaRangay Demo Farm ti mangipakat iti agas wenno solusion iti problemada kadagiti tarakenda nga animal.#

N