24 indigent senior citizens, agpension

CAOAYAN, Ilocos Sur – Agdagup iti duapulo ket uppat a senior citizens ditoy nga ili ti maka-avail iti programa a panagpension ti Department of Social Welfare and Development.

Segun iti maysa konsehal, kas maibatay iti rekord ti DSWD, agdagup iti 43 dagiti marigrigat a senior citizens nga agtawen iti 77 agpangato iti Caoayan, ngem 8 ti natayen ken 11 ti diskualipikado agsipud ta agpempensionda wenno adda annakda a mangsuporta kadakuada.

Umawat iti pension a P500 iti binulan dagiti senior citizens a nairaman iti listaan dagiti mabenepisiaran iti babaen ti social pension program ti DSWD.#