Footer

25 African nationals, naglakbay-aral iti Kailokuan

VIGAN CITY – Duapulo ket lima nga African nationals ti nagpasiar iti Ilokandia tapno agobserbada iti kabarbaro a teknolohia iti panagtalon itay nabiit.

Kinuyog ni Eugenio Castro, Jr., senior research manager ti International Rice Research Institute (IRRI) dagiti bisita iti panagpasiarda iti Ilokandia kas paset ti panagadalda iti panagmula iti pagay.

Segun ken ni Castro, kangrunaan a panggep ti panaglakbay-aral dagiti African nationals ti panangpadur-asda iti produksion ti bagas iti Africa.

Pakairamanan dagiti lugar a pinasiar dagiti bisita ti Candon City, Vigan City, Laoag City, PhilRice ken dadduma pay.

Innayon ni Castro a nasurok uppat a bulan dagiti Africano nga agadal iti rice farming system nga isaysayangkat ti Los Baños IRRI a nangrugi idi Hunio 25 ken aggibus inton Oktubre.#