25 agtutubo, nagsanay iti plumbing

CANDON CITY – Agdagup iti 25 manipud iti nadumaduma a barangay ditoy siudad ti nakipartisipar iti plumbing training nga inangay ti Technical Education and Skills Development Authority (TESDA) ken ti gobierno ti siudad ditoy.
Lima nga aldaw ti naiwayat a lektiur sa iti practicum a naangay iti training center ditoy met laeng siudad.

Segun iti maysa nga opisial ti TESDA, gapu iti kinaadu dagiti interesado nga agsanay iti plumbing, mangisayangkatda iti sabali pay a training ngem iti met sabali pay a benneg, kas iti reflexology, panagwelding ken dadduma pay a pamataudan ni agtutubo iti pamastrekanna.

Malaksid a libre ti training, adda pay maited a tools, ken merienda dagiti agsanay, ken maikkanda iti sertipiko apaman a maungpotda ti panagsanayda. (Danilo Antalan)