CANDON CITY – Nasapa a pamaskua ti inawat dagiti duapulo ket lima a balud ditoy manipud iti Candon City Parole Probation ken Volunteer Probation Aide (VPA) Office.
Naiyawat dagiti regalo bayat ti maysa a programa idi Oktubre 11 a pannakapaliiw ti National Correctional Consciousness Week nga addaan tema a “Pagbabagong Buhay: Tuwid na Landas Aking Gabay” babaen ti initiatibo dagiti volunteers a nagkontribusion tapno makagatangda kadagiti regalo para kadagiti balud.
Kinuna ni Frances Tomelden, OIC PPO officer iti maikadua a distrito ti Ilocos Sur, a babaen daytoy a programa, naiparikna kadagiti balud nga adda pay mangipatpateg kadakuada ken namnamada a mangabaruanan iti biag.
“Saan pay a naladaw a gaw-atenda ti arapaapda,” kinuna ni Tomelden.
Malaksid iti Candon City maisayangkat pay ti gift giving kadagiti balud iti Tagudin, segun ken ni Tomelden.#