Footer

25 baro a polis, agsanay babaen Field Training Program

VIGAN CITY – Duapulo ket lima a kabarbaro a polis ti naidestino ditoy siudad tapno agsanay iti babaen ti Field Training Program.

Segun ken ni Chief of Police Police Sr. Inspector Maximo Taclas, naipuesto dagitoy kadagiti pagadalan, pagtagilakuan, iti Heritage Village ken matatao a kalsada ditoy siudad tapno tumulongda iti pannakataginayon ti urnos ken tan talna.

Aggianda ditoy siudad iti innem a bulan, kalpasanna, agsublida iti La Union para iti Modified PNP Scout Ranger Training iti uneg ti 45 nga aldaw.#