25 nagturpos iti reflexology

CANDON CITY – Duapulo ket lima a residente ti nagturpos iti therapeutic reflexology a naangay iti Alay sa Hanapbuhay Center iti Barangay San Nicolas ditoy idi Disiembre 28.

Segun ken ni Grace Marielle Singson, agdama a Sangguniang Kabataan Federated President ditoy siudad, makatulong ti nasao a kurso kadagiti nagturpos para iti pananggedda, saan laeng a ditoy pagilian no di pay iti ballasiw taaw.

Kinuna ni Singson a priority dagiti agtutubo nga agadal iti therapeutic reflexology ngem nakalukat daytoy kadagiti amin a mayat nga agsanay.

Naammuan a saan laeng nga agtutubo iti siudad ti nagadal iti daytoy a kurso no di pay adda dagiti naggapu iti sabali nga ili iti maikadua a distrito.

Daytoy ti maikatlo a batch ti nagturpos iti nasao a kurso iti Candon City. (Danny Antalan