Footer

25 nga estudiante, napadayawan kas bright child achievers

VIGAN CITY – Sangapulo ket walo nga estudiante iti elementaria ken pito manipud iti sekundaria ti naukkoran iti medalia ken naikkan iti cash award kas paset ti pannakarambak ti Children’s Month ditoy siudad iti Vigan Culture and Trade Center itoy a siudad itay Oktubre 20.

Karaman kadagiti namedaliaan ken naikkan iti cash incentive dagiti agbasbasa iti elementaria a pakairamanan da Lovely Bedonia, Jewell Rae Nemedez, Marielle Ann Verzosa, John Carlo Dasala, Amanda Ferido, Kniethel Rabara, Chariza Joy del Rosario, Claire Quilana, Duke Brian Purugganan, Vernan Jerald Pomares, Lara Mae Abinoja, Owen Mark Cagalingan, Angelica Joy Apuya, My Arrobio, Rocha Colleen Ellana, Ronnette Alcain, Maureen Lou Aragoza ken  Princess Abella.

Kadagiti agbasbasa iti sekundaria, naikkan iti medalia ken cash da Felice Baterina, Carmela Claire Salvatera, Alyssa Marie Aludino, Jezreel Robino, Edward Presto, Marco Bañez ken Elynor Irish Quilendino.

Malaksid iti medalia, immawat dagiti Bright Child Achievers iti sag-P2,000 kas cash incentive.

Iti State of the City Address ni Mayor Eva Marie S. Medina, kinunana nga iti siudad ti Vigan, numero uno dagiti ubbing idinto nga impalgakna nga iti uneg ti tallon a tawen manipud idi 2006, nagsasaganad nga inyalat ti Vigan ti pammadayaw a Most Child Friendly City iti Rehion I, a mangipakita a maipapaay ti LGU dagiti pagkasapulan dagiti ubbing a Bigueño.

“Dagiti ubbing ti sumaruno a lider isu’t gapuna a masapul laeng a maipangruna dagiti kasapulanda, ” innayon ti mayora.

Kinuna met ti little mayor a ni Jaycelle Rafanan a nagasat dagiti ubbing ti Vigan ta adda ti LGU a mangay-aywan ken mangipapaay iti kasapulanda.

Naiyalnag itoy met laeng nga okasion ti KATULAGAN, The Vigan City Service Guide Book, a napaadda babaen ti Executive Order #39 Series of 2008 ken City Council Resolution #13 Series of 2008.

Linaon ti nasao a libro ti deskripsion dagiti serbisio nga ipapaay ti city hall, addang iti panag-avail kadagitoy, dagiti personalidad a rumbeng a turongen iti partikular a serbisio kn dadduma pay.

Iti umuna a gundaway, naipakita metten ti book form ti Vigan Youth Code. Sumagmamanon a tawen ti napalabas sipud napaadda daytoy ngem iti gagangay laeng a porma (paper  form).#