25 out of school youth, nagturpos iti poultry raising

SAN JUAN, Ilocos Sur – Nagturpos itay nabiit ti duapulo ket lima nga out of school youth a nagadal iti poultry raising iti BArangay Demo Farm iti Barangay Lapnig, ditoy nga ili.

Nasurok a makabulan ti panagadal dagiti OSY iti nasao a demo farm.

Kanaig daytoy, impakaammo ni ISCC Demo Farm Project Director Dr. Cesar Soller a mangiwayat ti TESDA iti assessment kadagiti nagadal ket no makapasada, maikkanda iti sertipiko kas pammaneknek iti panagturposda iti poultry raising.

Inesponsoran ti lokal a gobierno ditoy ken ti TESDA, naiyadal ti poultry raising kas tulongda kadagiti di nakapagtuloy nga agbasa nga agtutubo ditoy nga ili tapno adda katulonganda a pamataudan iti pagbiagda.#