CANDON CITY – Duapulo ket lima nga agindeg ditoy siudad ti nagturpos iti panagluto iti Candon City Culinary Arts Academy idi Agosto 22.
Addaan iti tema a “Teach them to Cook, Feed them for Lifetime”, nagadal dagiti estudiante iti maysa a lawas para iti pannakapadur-as ti abilidadda nga agluto ken manayonan ti ammoda iti kitchen ken ingredients mathematics.
Inrugi ni dati a Congressman Eric Singson ti Culinary Education Foundation idi 2008 ket maysa a programana ti pannakaipatakder ti pagadalan ti panaglutuan tapno agbalin a chef dagiti agturpos.
Itultuloy ni Cong. Eric Singson daytoy a programa ti amana.#