25th National Statistics Month, sinelebraran ti Ilocos Sur

VIGAN CITY – Sinelebraran ti probinsia nga Ilocos Sur ti tinawen a National Statistics Month iti sibubukel a bulan ti Oktobre. Nairugi daytoy babaen ti maysa a motorcade idi Oktobre 1 a nakipartisiparan dagiti nadumaduma nga opisina iti kapitolio, lokal ken nailian nga ahensia ti gobierno. Naglikmut dagitoy iti amin nga ili iti Metro Vigan tapn omaipakaammo ti makabulan a selebrasion.

Nailukat pay ti maysa nga Statistical Exhibit iti maikadua a kadsaaran ti kapitolio a no sadino a naiparang dagiti nadumaduma a datos manipud iti agdama a populasion ti probinsia, ti napastrek ken nagastos ti gobierno probinsial idi 2013 ken iti umuna a dua a quarter ti tawen 2014, dagiti stat iti agrikultura ken fisheries, dagiti kadawyan a sakit ken makaigapu ti pannakatay ti tao ditoy, mapa dagiti lugar a malayos ken maap-apektaran no adda didigra ken dadduma pay a napateg nga impormasion a kasapulan a maamuan dagiti umili.

Naangay met ti sumagmamano a pasalip a nakapilian dagiti pagadalan a mangirepresentar iti probinsia para iti rehional nga agpang. Addaan iti tema a 25th National Statistics Month with the theme “NSM at 25 Years and Beyond: Solid and Responsive Philippine Statistical System in support of Globalization and Regional Economic Integration”. Immuna a naangay ti oratorical contest idi Oktobre 3; sinaruno daytoy ti essay writing contest ken poster-slogan making contest idi Oktobre 8; Statistics Quiz id Oktobre 16; ken PSQ idi Octobre 27.

Naangay ti panggibus a programa idi Oktobre 27 a no sadino a ni mismo Gov. Ryan Luis Singson ti nagiiyawat dagiti sertipiko ken premio a kuarta dagiti nangabak kadagiti nadumaduma a pasalip. Inkari ti gobernador ti agtultuloy a suporta ti gobierno probinsial kadagiti sumarsaruno pay a pannakaiselebrar ti National Statistics Month idinto a kinunana nga ita pay laeng masapul a saganaanen dagiti pagadalan dagiti pasalip inton umay a tawen.

Adtoy ti nagbalin a resulta dagiti pakontes: Oratorical Contest – Secondary: 1. Anafrenda Gavina -Tagudin National High School (2nd place – Region); 2. Jetro Regusera-TeodoroHernaez National High School (Sta. Lucia); 3. Jasper Rapisura – Ilocos Sur National High School (Vigan City)
Tertiary: 1. Ryan Villanueva – Divine Word College of Vigan (3rd place – Region); 2. Jake B. Garnace – University of Northern Philippines; 3. Jeric Aren O. Dedicatoria – Ilocos Sur Polytechnic State College

Essay Writing Contest – Tertiary: 1. James Harley Giron – St. Paul College of Ilocos Sur; 2. Jeffrey Calderon – Ilocos Sur Polytechnic State College (Sta. Maria); 3. Jerica Mallare – Divine Word College of Vigan
Secondary: 1. Marc Earl Amorin -Ilocos Sur National High School; 2. Reynalie Bano – Teodoro Hernaez National High School; 3. Chenlei Myriel Valdez – Tagudin National High School

Employees: 1. Emerson Reton – Divine Word College of Vigan; 2. Joan Tacud – Ilocos Sur National High School; 3. Krizzel Mina – STI;

Poster-Slogan Making Contest – Tertiary: 1. Romyr Genesis Canaria – Ilocos Sur Polytechnic State College (Sta. Maria); 2. Rodel Cardenas – Ilocos Sur Polytechnic State College (Tagudin); 3. Estrelita Urspringer (STI);
Secondary: 1. Francis Apan – TeodoroHernaez National High School; 2. Edel Cris Jun Sotelo – Ilocos Sur National High School; 3. Veronica Alonzo-Bantay National High School

Statistics Quiz Team of Three – Tertiary: 1. University of Northern Philippines – A; 2. Ilocos Sur Polytechnic State College – Tagudin; 3. University of Northern Philippines – B
Secondary: 1. Teodoro Hernaez National High School (Sta. Lucia); 2. Candon National High School; 3. Ilocos Sur National High School

Jingle Making Contest – Secondary: 1. Lussoc National High School; 2. Banayoyo National High School; 3. Naglaoa-an National High School
Tertiary: 1. University of Northern Philippines; 2. Divine Word College of Vigan;
Philippine Statistics Quiz (individual) – 1. Dennis Angelo Pablico – UNP; 2. Reymart Gaoa – ISPSC; 3. Rexcel de Peralta – UNP. (Mancielito S. Tacadena-PPDO Ilocos Sur)