26 mannalon, naggraduar iti FFS

SAN ESTEBAN, Ilocos Sur – Duapulo ket innem a mannalon ti naggraduar iti Farmer Field School—Corn Production ti Departamento ti Agrikultura idiay barangay San Nicolas, San Esteban idi Mayo 26.

Indauluan ni Provincial Agriculturist Constante Botacion dagiti sangaili ken pannakabagi dagiti dadduma pay a sangay ti agrikultura a dimmar-ay iti panagturpos.

Kinuna ni Barangay Captain Beverly Elaydo a dakkel ti naitulong iti panagadal dagiti kalugaranna iti FFS agsipud ta ad-adu ti naapitda. Kinunana a nangrugi ti klase dagiti kabarangayanna iti paagmula iti mais agingga iti panagapit.

Kinuna ni Botacion nga agtultuloy ti programa ti Farmer’s Field School tapno matulongan dagiti mannalon iti umno a panagtalon iti mais ken pagay.

Naammuan ken ni Rosemarie Etrata, municipal agriculture officer ti San Esteban a tallon a barangay ti  ti San Nicolas iti Bateria ken Ansad a nakaisayangkatan ti FFS-Corn Production, ti San Nicolas, Bateria ken Ansad idinto a ti  Cabaroan ken Cappa-cappa  ti nakaipakatan  ti FFS-rice.#