LAOAG CITY – Agbalin ti laboratory ken library rooms a temporario a pagklasean dagiti agad-adal iti Shamrock Elementary School iti masungad a panaglulukat.
Kanaig daytoy, kiniddaw dagiti mangisursuro iti SES iti madagdagus a restorasion ti pasdek-pagadalan a nauram.
Innem a kuarto ditoy a pagadalan ti nadadael gapu iti uram a pakaapektaran iti lima a klase iti Grade 5 ken maysa a klase iti Grade 4.
Agdagup iti 280 nga estudiante dagiti agklase kadagiti nauram a kuarto.
Segun ken ni Principal Jovencio Pascual Asuncion, agdagup iti P1 million ti pattapatta a magasto iti rehabilitasion dagiti nauram a kuarto.#