3 aborsionista, natiliw

NARVACAN, Ilocos Sur – Tallo a babbai nga aborsionista ti inaresto dagiti polis iti insayangkatda nga entrapment operation  iti Barangay Turod ditoy nga ili idi agarup alas 9:30 ti rabii ti Nobiembre 8.

Inaresto dagiti nagtipon a grupo dagiti operatiba ti CIDG Ilocos Sur ken polis Narvacan iti panangidaulo ni Police Chief Inspector Villaflor Bannawagan  dagiti suspek nga aborsionista a nabigbig a da Marjorie Carillo y Ponce, 58, naasawaan, residente iti Barangay Margaay, Narvacan; Teresita Adona y Ines, 62, balo, residente iti Barangay Pantoc, Narvacan; ken Evelyn Cabito y Adona, 31, naasawaan, residente iti Barangay Ambulogan, Narvacan ket kinumpiskada ti dua a sag-P500 a naaramat iti entrapment operation,  paraphernalia ken ag-agas para aborsion.

Nagpammarang ni PO1 Christine Joanne Monderin,  masikog a kameng ti polis ditoy nga ili, nga agpaikkat iti ubing kadagiti suspek.#