Footer

3 agtutubo, nagtakaw iti bomba ti danum

CANDON CITY – Tallo nga out-of-school youth ti natiliwan a nagtakaw iti water pump pakairamanan ti linia ti koriente iti maysa a pagadalan ditoy.

Natiliwan da Arby, James, ken Elmo (parbo a nagan), agpapadada nga agtawen iti  16,  ken residente iti barangay Paypayad, ditoy siudad a nagtakaw iti bomba ti danum ni Jaime Santiago, 51, ken residente iti nasao met laeng a lugar.

Kas maibasar iti blotter ti polis, naduktalan ti biktima a napukaw ti water pumpna a nga imbatina iti  kataltalonan ngem maysa a managan Melecio Viernes ti mapapati a nakakita iti dua kadagiti suspek iti nakapukawan ti bomba ti danum.

Nupay naglibak ti maysa, nagpudno dagiti dua idi kinumpronta ida ti biktima.

Nasarakan dagiti dadduma paset ti water pump iti maysa a nagpanawan a balay.

Naipaima dagiti tallo a suspek iti DSWD para iti naan-anay nga aksion.#