3 appropriation ordinance, naaprobaran

CABUGAO, Ilocos Sur – Inaprobaran itay nabiit ti sangguniang bayan ditoy ti tallo nga appropriation ordinance a mangilatang iti pondo iti grants and donations, development fund, calamity fund ken dadduma pay a programa ti gobierno munisipal.

Sakbayna, maysa a surat ti impatulod ni Mayor Edgar Cobangbang iti sangguniang bayan  para iti prioridad a pannakaaprobar dagiti nasao nga appropriation ordinance.

Naipalaon iti nasao nga  ordinance ti P300,000 a para iti grants ken donations, P337,000 para iti 20% development fund, ken P84,000 para iti 5% calamity fund.

Naaprobaran pay ti P650,000 para iti pannakasimpa ti vegetable section iti tiendaan ken iti dati nga iceplant.

Karaman met a naaprobaran ti P500,000 para iti I-pod a maaramat iti paperless session  ken ti P50,000 para iti revival lti Iloco literature ngem naitantan pay ti P100,000 pondo para kadagiti kaso nga ipila ti gobierno munisipal.#